打裂「前港男」杜沚諾兩條肋骨　崔建邦感惋惜出錢醫

無綫《明星運動會》最矚目的拳擊比賽，賽事明日（15日）進行第2回合甄選賽，「前港男」杜沚諾之前跟崔建邦練習對打時，被對方的無情力打裂兩條肋骨，事後他透露阿邦出錢給他睇醫生，而且關心他經常慰問。

崔建邦回覆東網說：「其實呢兩個禮拜杜沚諾都好好咁練習，過程中佢都好努力，未能夠繼續比賽，我都覺得有啲惋惜。（佢係咪好傷？）其實普通練習打拳都會有呢啲傷，希望佢早日康復。」