個肚籮咁大！楊洛婷狂跳勁牙煙　老公「生無可戀」

現時懷孕近9個月嘅前港姐楊洛婷，預產期係本月（6月），尋日（13日）透露有意開直播記錄生B過程。今日（14日）佢喺社交網上載最新片段，見佢着上露肚裝，孖住Dear Jane主音老公Tim一齊跳舞，期間佢嘅巨肚不停晃動，更一度做出原地彈起嘅動作，令一班網民直呼牙煙：「大住個肚都咁活躍」、「好恐怖，留番生咗先慢慢跳啦。」至於好友周柏豪就「錯重點」，留意到身後嘅Tim全程Hea跳，並流露出「生無可戀」表情，留言笑指：「『畀啲戲，臨時演員都係演員！』」楊洛婷就表示：「佢話佢畀足戲喎！」