難忘同文雪兒互跪　張達倫入行20年恨拎獎

藝人張達倫於無綫熱播劇《一笑渡凡間》中飾演懶官「冷如松」，拍攝期間笑料百出，他指最深刻的一幕是跟「家姐」文雪兒互跪︰「佢嚟報官就跪喺度講，我要跪番轉頭，一Shot直落不停跪嚟跪去。」講到無綫現時綜藝節目大放異彩，他亦點名好想參與《開心大綜藝》︰「上次去宣傳新劇見曾志偉過料畀啲主持，點樣去搵一個咁神級嘅主持做導師？我又唔介意玩到盡，睇到現場觀眾笑到反肚最開心！」

入行接近20年，他演活不同大小角色，惟一直跟獎項無緣，他坦言好想得到肯定︰「幾想企喺台上面多謝父母、老婆，希望遇多啲好角色，令我有機會行上去。」續表示好想演繹「阿旺」的特殊人士角色︰「唔知點解所有監製都唔諗起我，可能我個暖男、專業人士身份實在令佢哋太入腦，希望可以改變到佢哋思想，我做到會好Enjoy喺角色個世界。」

Credit:

服裝：TedBaker Hong Kong