郭書瑤冇着衫？網民：蛋蛋緊張到標汗！

台灣宅男女神郭書瑤趁住端午節，跟足傳統習俗挑戰「立蛋」，佢喺雪櫃拎隻蛋出嚟，但係見到隻蛋因溫差而「出汗」有「倒汗水」，留言：「它是太熱？太累？還是緊張？汗流成這樣……」唔少網民睇到都紛紛留言，指蛋蛋可能係見到疑似冇着衫嘅佢，所以緊張到標晒汗！

就連森美都有玩埋一份，佢仲好有研究咁，話教大家一個容易啲嘅立蛋方法，佢話：「等啲重量沉咗喺蛋嘅下面，然後先至慢慢試，加耐性就得！」唔知佢最終試咗幾耐呢？