一件頭黑色泳裝　王敏奕糖妹似中學生下水禮

藝人王敏奕昨日（14日）孖住好友糖妹（黃山怡）到泳池游水，佢喺社交網大晒靚靚水着相，見佢哋齊齊以黑色一件頭泳衣上陣，加上頭戴泳鏡，似足中學生泳裝，猶如重返當年拍《女人俱樂部》（M Club）一樣！雖然已經相隔7年，但兩女依然零變化，素顏示人都明艷照人，其中王敏奕更面色紅潤，好似化咗妝咁，獲網民大讚天生麗質，不過佢就解釋只係做完運動影響。相中見糖妹以手遮胸，王敏奕即大爆係特登揀呢張照片，因為驚好友被睇蝕，糖妹即笑指：「我呢啲守身如玉」。