菊梓喬認被定型苦情歌手　最開心歌曲入屋

歌手菊梓喬（Hana）為劇集《逆天奇案》獻唱片尾曲《秘密花園》，日前她出席公開活動時，透露已是第二次參與片尾曲：「呢首歌編曲有唔同感覺，3個副歌有3個感覺，開頭似古裝，後面搖滾啲，最後就會好暢順，其實初初入行時係想做搖滾唱片，但之後唱好多劇集歌。（被定型苦情歌天后？）係啦，但啲歌『入屋』令好多人認識都好開心，依家覺得係時候做啲自己做嘅歌，同唔同嘅音樂人合作。」更指該曲緣自於本地爆發疫情初期，市民生活絕對唔容易，但大眾仍堅持齊心抗疫，喻意無論世界變成點，有朝一日也會找到自己的秘密花園。

談到作曲作上癮的她，笑指也有努力創作中：「要排隊，之前都寫咗好多，但要慢慢改。（想唔想拍劇？）想等一個最好嘅機會，之後播嘅《刑偵日記》有參演10集已經好開心。」