英皇搞新秀訓練營　七仙羽預測賽果！

英皇娛樂為幫樂壇添新血，今年決定製作選秀真人騷新秀訓練營，以淘汰比賽形式打造新人王，14位參賽者於為期六個月內接受歌唱、舞蹈、演戲及形象改造全方位特訓，最後由網民投票選出最強新秀，簽約出道。除了有英皇高層霍汶希及天王張敬軒、天后容祖兒及泳兒、許靖韻外，還有DJ當奴、趙祥誠（折骨Ben）等擔任評判或導師。

節目請來玄學家七仙羽為參賽者預測賽果，不過主持人李靖筠（Gladys）望師傅先「贈她兩句」，豈料師傅卻說：「如果我唔贈你嘅話，我嘅人生會更加圓滿、更加開心。」可是師傅向她贈言：「你要豐滿啲，啲男人就會好鍾意你；你醜樣，女人就憎你；你靚，啲女人妒忌你。喺男女之間你係踩界，既然係咁，你就揀一條路，你就揀吸引男人算啦。」Gladys隨即爆笑。

Gladys給參賽者相片予師傅過目後，師傅指18歲的Elka似日本AV女優、Racy邪在骨子裏、更說Jonathan經常思考怎樣勾引女人、富婆，勸籲他去跳社交舞，走闊太路線，又認為Jaime、子然、Jeffrey及Tina為四強大熱。