翠如祝福文被批太矯情!蕭正楠:佢當洪永城係細佬

2021年06月15日 17:22
東網電視
更多新聞短片
藝人蕭正楠到將軍澳電視城出席《一笑渡凡間》宣傳活動,眾人在台上大玩遊戲,期間他與湯洛雯及簡淑兒玩夾波波遊戲,阮兒又施展一字馬。講到今個星期就大結局,他開心大家喜歡,其中小朋友又愛看,可以讓他們認識濟公,很有教育意義。他又笑言希望開拍續集:「初初以為成日會着濟公嗰套衫,點知拍到第19集都未換衫,去到最尾一集先變身,所以希望有續集啦,原班陣容,因為夾得好開心。」
講到翠如祝福好友洪永城(Tony)結婚一文被批太矯情,似寫給前度,他說:「Tony真係好剋佢,佢哋喺埋一齊都冇好事發生。」他表示大家睇完篇文章都應該會明白翠如意思:「唔係踩Tony又唔係宣洩啲乜,只係當佢好似細佬咁,見佢依家有個咁好嘅太太有啲感觸,總之我哋4個人知道係冇任何意思,而翠如亦都覺得Tony大個仔,叫佢唔好辜負身邊呢一個。」問到之後可會叫翠如發文小心點,因常常被人曲解?他說:「有心人去諗另一個意思,甚至誤解都冇辦法,但唔可以因此而唔Post,唔可以因為咁而放棄自己嘅人生,應該繼續做。」
如捲政治風波
至於之前與太太黃翠如捲政治風波,他心情輕鬆有備而來表示:「呢啲事在所難免,如果大家剩係Cap嗰一秒真係控制唔到,大家睇晒條片就會知咩事,我哋真係連續3個幾星期跑步冇停過,每朝6點起身跑一個鐘。(你哋有冇唔開心或無奈?)無奈,唔可以話唔開心,其實段片冇表達任何意思,只係享受跑步同影相作為紀念,但啲人要誤解我都冇辦法。」