受馬國明刺激 湯洛雯搞到唔想生B!

20210615
東網電視
更多新聞短片
「靚湯」湯洛雯及簡淑兒(Jessica)到將軍澳電視城出席《一笑渡凡間》宣傳活動。問到最後誰情歸蕭正楠?靚湯笑言不想劇透,但作為「大婆」都心痛Jessica。對於阿蕭想原班陣容開拍續集,2女大表贊成:「可以拍時裝版,講濟公穿越現代。」而講到新一屆港姐開鑼,她們身為師姐兼屬同屆港姐,靚湯就謂沒有留意,但知道關禮傑大女關楓馨有參選,她說:「我唔識佢,但我識關禮傑,因為有合作過。(你哋都係星二代,會唔會有咩寄語佢?)要放鬆心情,我當年就係因為『星二代』呢個稱號,所以好大壓力,搞到冇自信。」
她又笑言:「好多人話我哋有後台,其實係冇,我就係人辦,做咗9年先有機會做女一,我覺得佢可能係唔想大家覺得佢靠屋企,想靠自己努力,所以先嚟參選,所以會支持她。」而Jessica就謂有留意新一屆港姐,笑言對似足佛祖的霍韻璇最深印象,讚對方樣子慈祥。
另外,講到靚湯男友馬國明新劇《寶寶大過天》剛開播,她坦言未有時間看,問到豈不是見不到男友湊BB的樣子?她笑言:「嗰時我哋同一時間開劇,我有時都會去探班,都會見到香香(岑麗香)同馬明湊BB乸手唔成勢嘅樣,但香香好啲。(睇到之後有冇刺激到你?)有呀,刺激到我唔想生,哈哈。」她又謂男友都想睇《一》,呼籲大家現時可以睇晒2套劇!