孫慧雪做生招牌賣朱古力：每日有7千蚊生意！

藝人孫慧雪（阿雪）與友人集資逾20萬，開設自家朱古力品牌，今午（15日）於尖沙咀開設限時店，阿雪現身做生招牌吸客，她表示暫時只作網上售賣，但生意額不錯：「平均每日有6、7千蚊生意。（趁平租搞實體店？）要慢慢物色。（發大嚟做？）都想。其實今次研製生酮朱古力嘅原材料好貴，我都想做女強人，老公好支持，仲成日幫我試食。」

提到她於社交網留言指日後只想做喜歡的事，令人猜測她與無綫約滿。為此她澄清說：「約滿仲有排，我係因為好友陳積榮嘅離世，加上今年搵番失散媽咪嘅下落，知道佢原來30幾歲已離世，令我覺得要爭取時間去做想做嘅嘢，抽多啲時間陪伴家人。」

首次擔正做女主角

她坦言自己仍喜歡演戲，並將於8月有機會為新戲首當女主角：「其實呢段時間有3、4套電影搵過我，但都因為疫情影響而取消，希望今次能夠成功開鏡啦。」