做得歌手預咗被批評　石詠莉爆老公有歌癮

歌手石詠莉錄影《勁歌金曲》獻唱新歌《期間限定》，講到在節目內要被點評歌藝，她笑言緊張到失眠，更被老公鄧健泓鬧「有冇搞錯」，她說：「仲有心跳嘅感覺其實係非常好，珍惜仲有歌唱嘅機會。」問到被點評可會眼淺喊？她笑言：「可能自己由十幾歲到依家都係喺評論中長大，好與唔好嘅評論都係好事，可以令我進步。」

問到還有評論打擊到？她笑言：「如果太mean嘅當然會有唔開心，但我會去檢討自己有邊方面做得唔好，嗰時仲係Freeze都已經有唔開心嘅批評，真係不堪回首，但都係動力，做得歌手都預咗被公開批評。」而問到可會想與老公合唱？她表示：「佢仲有歌癮，只係睇幾時，我哋上一次都合唱過，期待再合唱。」