擺脫悲情！菊梓喬拒再做弱者：要畀人正能量

歌手菊梓喬（Hana）錄影《勁歌金曲》，表示會與幾位素人合唱《只想與你再一起》，覺得有伴唱歌好開心，問到可會開心過與「死敵」吳若希合唱？她尷尬說：「都開心，都希望自己啲歌有多啲唔同版本，可以多啲人翻聽。」上次她上來被單立文批唱劇集歌是其致命傷，限制了她，講到今次不用再被點評歌藝，她說：「感受爭好遠，今次係玩咁樣，上次緊張到抖唔到氣，但過咗去，可以再點評多次。（上次有冇陰影？）冇呀，都好玩。」

有網民指她唱歌的樣子太悲情，她表示有跟唱片公司反映，之後會有變化，希望廣闊歌路：「之後會出啲開心啲嘅歌，就算之後再唱悲情歌，都可以用第二種方式表達，畀人正能量，唔想再畀人弱者同受欺凌嘅感覺，依家都做緊好多新歌。」