畀迷你鉸剪腳夾爆 王祖藍想嬲都嬲唔落!

20210616
東網電視
更多新聞短片
早年主力喺內地賺人仔嘅王祖藍,回歸娘家出任首席創意官,為咗為令節目精益求精,日夜度橋諗爆頭,不過佢工作忙還忙,都唔會忽略家中嬌妻李亞男同兩位寶貝女。
日前難得假期,佢冇出街玩,寧願留喺屋企「叉電」兼陪吓囡囡。佢喺社交圈分享同囡囡互動嘅溫馨點滴,本來佢喺梳化瞓晏覺,點知孻女Hayley就「四腳爬爬」走嚟兼「得」喺佢面前,諗住用萌爆眼神「電」醒爸爸,但係爸爸實在太攰未有「過電」,囡囡只好出絕招,索性坐在爸爸條頸,再出動「迷你鉸剪腳」夾實爸爸個頭!
受突襲嘅祖藍當堂嚇醒,雖然發緊好夢被打擾,係好易令人扯火嘅事,不過一睜開眼就見到寶貝女個可愛樣,就算真係想發脾氣都立即降火啦。而佢嘅大女Gabrielle亦都蝕底,飛身撲到爸爸度仲攬到實,呢個父慈女孝嘅畫面,隔住個Mon都感受嗰份甜!