背脊瘀黑毒素多！Odilia改名轉運催桃花

女子組合Bingo成員Odilia在社交網宣布名字由源用4年的陳康琪，改名為陳善渝，她接受東網訪問時表示：「因為有師傅提點話，如果想事業發展順利啲，桃花運好啲，將來又好啲，身體強壯啲，不妨試吓改名，所以咪試吓囉。」

她直言近期身體健康麻麻，經常感到疲倦，她說：「可能近期工作太忙，Chur得自己太盡，我拍緊個跳舞節目，日日搞到好夜，之前就去咗做刮痧，結果成日背脊瘀黑色，技師話我體內好多毒素，同捱得夜多有關。（靚背花晒？）依家好啲啦，不過仲有啲印囉。」由於身體發出警號，她決定暫時放慢腳步，一半時間工作，一半時間休息，望叉足電後再為事業衝刺。