求婚後不設防？梁諾妍唔介意雙喜臨門

藝人梁諾妍（Inez）和余曉彤（Hidy）為香港開電視拍攝新節目《碧波遊浪記》，齊齊穿上泳衣上遊艇出海拍攝。剛獲男友洪永城「廁所求婚」的Inez，現場收到電視台高層送上香檳祝賀。對節目要頻頻出海，尋找海洋秘境，她坦言不怕曬黑，笑言：「結婚時，頭髮再短啲，再黑啲都得。（洪永城會介意？）我都OK佢冇頭髮啦！佢冇得出聲。」她說自結婚消息公開後，收到各方祝福，婚事一直在籌備中，直言大家都鍾意小朋友，希望有好消息公布，更不介意雙喜臨門，她說：「有好消息會同大家講。」

Hidy的潛水學校早前被雷電劈中毀於一旦，近日她再花六位數買遊艇建水上學校，感覺重新出發，當正是另一個屋企，她說每個禮拜在船上做清潔。節目上她們都會着比堅尼，大騷身材，問到會否比較身材？Hidy笑言不如比肌肉，Inez就說要鬥黑。問到未來老公會否不准性感？Inez說：「我唔理佢，佢不嬲知我健康性感，冇意見。（私有化你應該唔同？）等我返去叫佢緊張啲，平時運動都着sport bra。」