《愛．回家》蘇韻姿激罕晒水着　網民：好羨慕佢隻狗！

無綫小花蘇韻姿喺處境劇《愛．回家之開心速遞》人氣急升，依家佢已喺社交網吸納逾14萬追蹤者。雖然天生一副好身形，但佢好少晒性感，不過今次網民有福喇，佢喺社交網晒出水着照，並留言：「聽啲人講，端午節浸下龍舟水就會好運㗎啦！我信㗎！」雖然佢件水着唔係好性感，但都遮唔住豐滿嘅上圍，事業線都飛埋出嚟，唔少網民講笑話好羨慕佢隻愛犬，可以同女神遊船河！