導演一眼認定迪麗熱巴　唯獨女主角冇搵備選

新疆美女迪麗熱巴主演嘅內地古裝劇《長歌行》剛播完，熱潮未過，雖然4月播出時是非多多，包括內容被指歪曲歷史、迪麗熱巴被嫌太老襯唔起細7歲嘅吳磊等，不過仍然吸納大批網友日夜煲劇。

據悉該劇選角嚴格，每個角色都有多名備選演員，唯獨女主角冇，因為導演當時就一眼認定迪麗熱巴係不二人選，完全唔接受其他選擇，有指導演籌拍《長》時，徹底地閱讀漫畫原著同故事，迪麗熱巴竟然同原著畫嘅「李長歌」眼角下有顆痣嘅特點完全相同，導演解釋指粒癦好重要，係李長歌劇中舅姪相認嘅關鍵。

而迪麗熱巴天生就有呢粒癦，位置完全一樣，加上新疆出身，亦有相符嘅異國臉孔，因此導演話要放棄咩都好，都堅持要佢出演女主角。