被指10年前唔紅　Angelababy反駁變曝露年紀

藝人Angelababy早前喺內地節目《心動的信號4》嘅宣傳海報中，戴上當年老公黃曉明所贈嘅鑽石婚戒，以自身婚變傳聞為新節目爭取曝光率，近日節目預告片曝光，原來Baby今次真係犧牲大，佢竟然被現年25歲嘅小鮮肉郭麒麟笑，郭麒麟原來就想讚Baby紅與未紅時嘅心態都一樣好，不過佢就講多錯多指Baby 10年前都未走紅，好在Baby反應夠快，輕描淡寫咁表示自己10年前已經好紅喇！

郭麒麟知衰，就笑稱自己嗰時太細個，都未識得Baby，而在場其他藝人仲起哄笑指郭麒麟「你當時都未出世」，意外暗踩Baby年紀大，不過佢就未見黑面，反而仲指自己依家都唔係好紅，一直維持中間位就得，即被網友大讚佢得體，仲好大方唔介紹被寸。