【華姐聚首】李亞男宴客餵飽陳爽宋熙年　王祖藍做阿四

同係華姐出身嘅李亞男、陳爽、宋熙年感情要好，即使做咗媽媽友誼依然不變，最近佢哋就難得有時間聚吓會，傾吓湊仔經，佢哋去到亞男屋企食煮家飯，廿四孝老公王祖藍都親自落手，同亞男夫妻檔上陣炮製大餐，有花膠煲、炆豬手、鮑魚、炒大蜆，8餸1湯，超級豐富，睇到在場人士嘩嘩聲，仲化身阿四幫手舀湯，認真好老公！

之後仲有飯後甜品Tiramisu，陳爽喺社交網上載合照，留言大讚：「多謝亞男邀請，你們兩公婆的廚藝真是太讚了！現在還回味你整的提拉米蘇呢，米其林（米芝蓮）水準的甜品???」同場仲有曾參與多套無綫劇《公主嫁到》、《巾幗梟雄》及《愛．回家之開心速遞》等嘅宋雙佳，近年甚少露面嘅翁佳妮，非常熱鬧，網民都大讚佢哋個個都Keep得好好，冇走過樣呀！