情趣最多5分鐘！胡曦文學穴位按摩同男友Have Fun

商界美女胡曦文（Christy）、口罩小姐亞軍「阿姨」徐蒨寧及文雪兒，今日（17日）齊現身灣仔出席美容界活動。有投資開美容護理產品的Christy，眼見美容業有復甦跡象，表示正等待美容院向她落單，問到閒時都會去做Facial放鬆？她竟自爆甚少去，1年最多去一次，亦曾試過隔2、3年才幫襯一次：「一去就冇咗成個晏晝咁，但每次去都Enjoy，可以享受做阿太待遇，普通清潔喺屋企做都搞掂。」

Christy續話自己都好鍾意唱K，剛網購了一部卡啦OK機，隨時可在家開騷，而她下一步計劃是買按摩機：「有學過醫療按摩，識按啲穴位。（有同男友按摩當情趣？）都有！但最多5分鐘！其實我學嚟都係想教佢，然後佢幫我按！今個夏天想條腰幼啲，再Fit啲影輯泳衣相，配合埋時裝Fashion啲，唔係露得多先靚，之前直頭怕着三點式，但依家通街都着，我個古老思想應該係時候要改改。」