陳展鵬同小豬比相處似撩女　爆囡囡熱情主動攬仔

藝人陳展鵬到新城電台出席薛家燕主持的節目《開心大派對》，分享第2年過父親節的心情，現場薛家燕給陳展鵬送果汁做父親節禮物，他說差點忘記節日就到，透露6月底將會最忙，因有3部劇一齊開，笑言擔心因忙開工少見囡囡「小豬比」，令她會不認得自己。

他說：「近排同佢建立番關係，之前感情麻麻，佢有咩都叫媽咪先，我要好似撩女仔咁，希望佢理我多啲，依家佢會坐我大髀，好窩心呀！」他說「小豬比」百厭時，會走在他身後，直言嚴父都被溶化，提到女兒也有看主演的劇集《逆天奇案》，有樣學樣用手指學揸槍，問到囡囡可有看到他與馮盈盈的床戲，他說：「唔知有冇睇到，不過佢都未識。」

陳展鵬說若有健康合適的主題，不介意讓「小豬比」拍廣告，透露女兒性格熱情，不怕陌生人，有次帶她落街玩，她一見到有小男孩，跑過去攬實對方，他說自己不擔心，只擔心對方父母介意防疫衞生問題。他又說囡囡見慣父母影相，現在她會有樣學樣，拍照後要重看照片效果，認真可愛外，以前是甚少在社交平台甫家庭相，不過發覺原來好多粉絲都喜歡看，故不介意將歡樂帶給大家。