賴嘉賢同保錡＠ERROR冇聯絡　自爆有仔追！

組合ERROR成員吳保錡的舊愛賴嘉賢（Carrie）出席活動，介紹及親自炮製「手和壽司」給粉絲食。提到與保錡分手一事，Carrie表示：「依家冇事啦，自己好開心！（有新戀情未？）冇冇冇，我都想，咁一定要有㗎嘛，不過慢慢嚟啦！（有冇人追？）就一定有嘅，但我想慢慢嚟，因近排工作比較忙，同埋要溫日文，預備正正式式考個證書。」至於擇偶條件，她希望對方溫柔、專一、體貼及孝順，最緊要明白及支持她的工作，指感覺比外表更重要。

問到可有與前度聯絡及留意對方消息，她説：「冇聯絡啦，但喺社交媒體會有佢嘅消息，我都會睇嘅。（仲會唔會有感覺？）純粹當睇咗單新聞囉。（佢依家復工你支唔支持佢？）我覺得有機會係好難得嘅，有就要好好把握，我支持去緊握機會做嘢嘅人。」問到將來若工作上碰見對方會否介意？她坦言沒有問題，因工作為首要，應專業地面對，又稱自己暫時未有經理人，亦未有公司向她接觸，一切隨緣。