勁大膽！古天樂慘遭193＠ERROR揸波

被網民推舉為「真巨星」的古天樂以前予人好cool的感覺，但近年古仔變得平易近人，兼且好玩得，早年在春茗活動上，被一班歌手拉上台，他竟然肯開金口唱歌，令在場人士開心到癲。之前人氣組合MIRROR開騷，古仔更罕有現身捧場。組合ERROR的是非王193（郭嘉駿），今日（17日）在社交平台上載同古仔的合照，他更大膽伸出龍爪手向古仔揸胸，古仔更笑晒口，193搞笑留言：「為咗配合返我偶像古生，我P黑咗自己，揸波龍爪手，知我咩料啦！」

有網民留言：「放開項少龍」、「唔知古生知唔知你都扮過楊過呢？」有網友甚至羨幕他：「你就好啦，有得揸。」又話感覺到古仔同193一齊時候，笑得好開心，嗰種笑容好少見到喎。