被鄭裕玲親自「點燈」!鄭衍峰緊張到胃抽筋

20210618
東網電視
更多新聞短片
藝人鄭衍峰(Leonard)近日孖鄭裕玲(嘟嘟)和孔德賢(Danny),為無綫新節目《識貨》做主持,講到今次獲嘟嘟親自「點燈」做Partner,Leonard自言受寵若驚,仲話其實一直都想有個機會上對方主持嘅節目,但最後點都估唔到係做主持拍檔,佢又自爆合作初期真係好緊張,記者會當日緊張到胃抽筋,要勞煩工作人員幫手買胃藥︰「第一日開工就覺得嘟嘟好Nice,成日同我哋傾偈,我同Danny度咗啲Tag都會問佢意見,拍住嘟嘟做節目,某程度上係個越級挑戰,但監製同嘟嘟都肯畀機會我,真係好想把握機會做好佢!」
提到新節目係考演員嘉賓嘅銷售產品技巧、應變能力同急才,問到做開主持嘅佢係咪難佢唔到?Leonard笑指未必︰「直到節目開始先知道有好多嘢要學,由揀貨到同經銷商議價、度直播橋、再臨場表現等,真係好難!呢次我作為主持都學到好多嘢,同時都替一班參賽者緊張!」