章子怡冧莊做《演員4》導師 要Chur爆迪麗熱巴?

2021年06月18日 12:32
東網電視
更多新聞短片
國際影星章子怡於2017年踩過界拍攝綜藝節目,為《演員的誕生》擔任導師,隨即大受歡迎,翌年再參與節目第二季《我就是演員》及第三季,不過近日網上有傳《我就是演員》第四季名單流出,當中就話章子怡會冧莊做導師,令人期待!
根據流出版本,導師陣容就有章子怡、吳京及孫濤,當中章子怡可謂載譽歸來,佢以「毒舌」狠評參賽嘉賓,睇落又惡又挑剔,不過就被大讚佢藝術層面高,唔會理對方圈中地位高低而評價演技,難怪網友咁歡迎佢回歸。另外表演指導陣容亦有影帝鄧超加入,名氣、演技同綜藝能力集於一身。
至於參賽嘉賓就指有李沁、迪麗熱巴、朱一龍等當紅一線影星,加埋小鮮肉Idol出身嘅陳立農、張嘉元、王藝瑾等,網友已大讚有睇頭,指人腳位位都係當紅花旦、小生,仲食晒花生等睇章子怡點樣Chur爆迪麗熱巴添!不過名單未被官方確認,未知真偽。