撐完余文樂晒湊仔日常！王棠云分享仔女互動畫面勁有愛

早前自爆驚恐症復發嘅藝人余文樂，秘密返港後被發現出席過百人無罩派對，席間不但室內吸煙，又與一名女子咬耳仔，過從甚密。雖然負面新聞不斷流出，但老婆王棠云依然相信樂仔並公開力撐。獨自留台照顧仔女嘅佢，不時更新社交網分享湊仔日常，見佢以「媽媽視角」拍下仔女互動，雖然全部高炒睇得個頭頂，但見哥哥同妹妹玩樂嘅畫面好溫馨，又用雙手輕撫妹妹面珠墩，感受到兩兄妹好有愛！王棠云亦晒出搞鬼舔囡囡腳趾嘅相片，扮嘢表現出「臭臭」感覺，非常搞笑。