前港姐爆佳麗出陰招！呂慧儀自嘲唔夠心機搶冠軍

藝人呂慧儀（長腳蟹）與蘇韻姿出席無綫處境劇《愛．回家之開心速遞》宣傳，左右腳均受傷的長腳蟹，透露近日於沙灘開工就「出事」，被蠔殼?傷，幸好傷口未算太深，仍可走路。

談到有上兩屆落選港姐拍片爆選美心機女佳麗出陰招，身為師姐的她笑說：「我嗰時係教人嗰個，因為以前做Model都有教人行Catwalk！（覺唔覺佢哋拍片咁講唔啱？）都冇嘅，我當年咪唔夠心機囉，其實唔好諗得咁複雜，其實每個女仔都想表現好嘅一面畀人睇，我過來人經驗，最重要係享受過程同有自信心，咁就係靚，唔需要擔心人哋做乜，諗太多會畀壓力自己。」

蘇韻姿則表示不同人有不同感受，但當年參選時有導師指導：「佢會講每個人都有自己特色，例如我唔高，個身可以擺咩甫士會好啲呢！」對於同劇的吳偉豪首度公開露面，長腳蟹大讚對方成熟：「之後一齊開工，見佢都冇影響工作，表現好專業。」蘇韻姿就表示：「呢排同佢唔係好多對手戲，但見佢心情應該都ok，繼續有開工嘅。」