5,000港元電子消費券　網民諗計奇招套現

財爺今日（6月18日）終於公布5,000港元電子消費券計劃詳情，凡年滿18歲在港居住的香港永久居民及新來港人士，均可於7月4日至8月14日以電子或書面登記，透過Alipay HK支付寶香港、八達通、Tap & Go拍住賞及WeChat Pay HK微信支付香港發放。消息一出，網民自然各出奇謀諗計套現，以下歸納出4大奇招，由買超市現金券、點數卡到買金保值都有！雖然現階段仲未知行唔行得通，但都要讚吓網民嘅創意！

超市掃現金券

最簡單係到各大型超市，以電子貨幣購買同等面值Coupon，自己慢慢用又得，拎出去95折放售亦得，得咗！

金舖買金保值

人人都話揸住Cash會貶值，不如直接去金舖買金粒或金器，之後賣番出去隨時升值！

點數卡即折現

不少便利店或電器連鎖店都有各式點數卡、iTunes卡、Apple Gift Card等售賣，除了可用來「課金」，亦可以買Apps或直接轉售。

善用退貨保障

不少大型連鎖店都提供「退貨保證」，購物後如有不滿保證原銀奉還，利用這保障便可用消費券購物後退款。