能人所不能！李施嬅超強瑜伽動作小朋友咪亂學

藝人李施嬅之前晒過自己「X-MEN」標記，講笑話佢可能係有超能力，雖然係講笑，但佢真係能人所不能。依家仲喺酒店隔離緊嘅佢，又喺社交網發功，大晒喺房做瑜伽嘅相，見佢雙手貼住床做支撐，只用腳尖掂住梳化，成個人好似凌空一樣，真係技驚四座！佢留言話呢個動作主要係鍛煉重心同Pat Pat，要持之以恒先做到呢個成果。不過，唔少網民話雖然佢動作真係好優雅，但真係要注意安全，叫小朋友唔好亂咁學！