愈住愈富貴！蔚雨芯晒三點式出賣阿媽

「魔鬼胸」蔚雨芯（Rainky）近年專注其自家美容品牌生意，收入唔錯，最近佢同家人搬到新居，四圍環境優美，屋苑仲有泳池，身材火辣嘅佢喺社交網大晒泳照，着住橙色單肩比堅尼索到爆，原來佢嘅靚相由媽媽操刀拍攝，但佢竟然話要出賣阿媽，喺限時動態中將媽咪嘅泳裝look曝光，雖然佢用心形圖案遮住媽咪個樣，但看來佢嘅好身材係遺傳自媽咪。

除咗Rainky，歌手譚嘉儀都晒水着，佢穿上白色綑綁泳衣去船P，裸露白滑玉背，側側身嘅佢玲瓏浮凸，網友仲問佢點解可以咁白雪雪添！