台妹升呢做最大奶黃蓉　朱茵都嗌投降！

藝人杜德偉有份演出嘅網絡電影《射鵰英雄傳之降龍十八掌》日前上架，佢喺戲中飾演西毒歐陽鋒，佢個造型似足《魔盜王》尊尼特普（Johnny Depp），被封為「最潮歐陽鋒」。呢套戲除咗杜德偉之外，女主角黃蓉都係焦點所在！

飾演黃蓉嘅演員係嚟自台灣嘅林妍柔，佢係以前係《黑澀會》成員叫做「蒂蒂」，佢2015年進攻內地市場，拍咗唔少作品。點解今次佢會成為熱話？因為係佢身材太惹火囉！林妍柔擁因為身材太勁，巨胸逼爆套古裝衫，網友即時封佢為「最大奶黃蓉」，而網友嘅留言都好鬼抵死：「有蓉奶大」、「官方資料寫C，但看比堅尼根本不只C」、「不科學」、「真的好大」。

飾演過黃蓉嘅人有好多，好似米雪、翁美玲、陳玉蓮、朱茵、周迅、林依晨、李一桐，個個都係靚女嚟，身材唔差嘅朱茵已經係性感女神，但都畀林妍柔比下去！