孖住玩水！阿Sa水着晒線頭　關智斌騷爆肌

藝人蔡卓妍（阿Sa）同關智斌十分老友，今次佢哋一齊去玩水，阿Sa水着上陣晒線頭，而關智斌就大晒肌肉，俊男配美女，非常搶眼！兩人喺社交網大晒靚相，阿Sa擺晒Pose勁Chill，關智斌就趴喺池邊，唔講以為佢哋拍緊廣告呀！

阿Sa留言：「好耐冇同陽光玩遊戲喇，真係好鍾意同呢個人影相，因為佢點影都靚。」而關智斌就留言：「昨晚數過我們一起去過旅行的城市，由最熱辣辣的曼谷、芭堤雅去到最冷的芬蘭赫爾辛基的聖誕老人村，原來我倆都走了半個地球。今日再加一站，正蔡妍與刀疤斌。」

阿Sa意猶未盡，繼續喺社交網發功，佢上載同關智斌揈水髮嘅片，仲自嘲：「理想與現實嘅落差⋯點解，究竟我做錯咗啲咩。」見到阿Sa揈克水髮，啲頭髮黐實喺塊面度，非常搞笑！