爸爸美國來港陪伴!劉穎鏇讚父愛偉大

20210619
東網電視
更多新聞短片
藝人劉穎鏇(Tiffany)2016年參加香港小姐奪得亞軍,決定由美國來港發展演藝事業。Tiffany的爸爸更不惜放棄在美國的工作,來港陪伴、照顧愛女,她說:「其實由細到大,因為Daddy佢要專注工作,都係媽咪照顧我多啲,細個相處時間少啲,同Daddy唔算超級Close,但係選完港姐返香港,因為我係屋企獨女,Daddy唔放心我一個人喺香港,所以嚟咗香港陪我,呢個決定都好偉大,要來香港陪我,都怕佢悶,但佢都好叻慢慢搵到喺香港嘅樂趣,成日去行街,周圍去。
Tiffany經過近幾年來與爸爸的相處,父女感情大大增加,閒時父女更會一齊去行山,有講不完的話題:「大個咗反而同Daddy愈嚟愈close,呢幾年同佢喺香港住,由細到大佢好少煮嘢食,但係為咗我上網學真係好叻,近期因為想我飲多啲湯水,仲學埋煲湯,Daddy真係好叻。」