早餐鯨吞3碗雲吞！Angelababy封吃貨之王被質疑

Angelababy雖然同老公黃曉明嘅婚變傳聞冇停過，但佢依然專心工作，由佢有份做主打嘅綜藝節目《奔跑吧》依然長做長有！而最新一集，弱質纖纖嘅Baby，就同李晨、沙溢等鬥食早餐做「吃貨」，比賽是以各人把早餐吃入口的次數作計算，結果冇人敵得過Baby！

Baby面不改容連吃食3大碗雲吞，為咗唔輸，之後飽到頂住個胃，都大叫要繼續食，令到李晨汗顏。最後導演宣布各人次數，Baby49次，沙溢38次，郭麒麟29次，鄭愷22次；李晨16次，黃旭熙7次；蔡徐坤6次，周潔瓊只有區區5次，Baby正式成為吃貨王！

唔少網民都好驚訝Baby咁瘦，但佢個胃好似宇宙咁大，佢嘅食量到底邊度嚟！不過亦有網民質疑Baby冇可能食咗49口，因為每碗雲吞只係得3粒，食咗3碗最多都係食9口，哪來食49口，認為只係節目效果而已。