《逆天奇案》演檢控官勁吸睛 前主播蔡誌恩西裝下藏爆肌身形

20210620
東網電視
更多新聞短片
無綫劇集《逆天奇案》早前播畢,喺幾集嘅法庭戲中,演檢控官何大狀的蔡誌恩令觀眾眼前一亮,辯論時咬字清晰字正腔圓,而且表情到位。原來呢位演員,正是前新聞主播蔡誌恩(Vincent),難怪講起對白咁清晰啦!
現年42歲嘅蔡誌恩畢業於香港城市大學會計系,做過審計師、空少及模特兒等,之後經同是前新聞主播好友曾美華推薦入有線新聞當主播,斯文外表,加上官仔骨骨,好快就被封新聞王子,更有粉絲覺得佢氣質好似陳百強,故有「翻版陳百強」稱號。蔡誌恩於2006年轉往無綫新聞台做主播,1年後離開,近年轉行做演員。
外表斯斯文文嘅蔡誌恩,正經西裝下其實深藏爆肌身材,見到佢社交網有唔少騷肌相,結實胸肌、六舊腹肌同人魚線,再加英俊嘅外表,堪稱完美組合!完全睇唔出已屆中佬之齡,而佢都跟圈中人稔熟,與教友周慧敏以弟兄姊妹相稱,仲有與鍾嘉欣、馬國明等合照。
對於網民嘅讚賞,Vincent喺社交網發文多謝大家的支持:「第一次參與拍攝TVB劇集、第一次幾晚通宵收3100、第一次一場內有幾頁對白、第一次跟那麼多好戲之人對戲,好刺激!播出時,即時收到很多短訊和截圖。很多親朋好友都有收看《逆天奇案》,多謝大家支持和留言給我鼓勵。」
----------------------------------------
最好睇嘅劇集、電影、綜藝盡在繽FUN專題嘅「講劇」,實啱鍾意宅在家嘅你哋,千萬唔好錯過!