【意外拍低媽咪走光】姜濤屋企大公開　擺滿雜物勁亂

MIRROR人氣王姜濤早前參與嘅《Chill Club A New Stage》音樂會，ViuTV尋晚（19日）播出，姜濤就留喺屋企睇自己演出，搵嚟阿媽點評，更意外將屋企環境曝光！姜濤喺社交網上載片段，表示「媽媽點評時間」，見佢屋企原來非常凌亂，電視機前放滿一盒盒嘅物件，有口罩、各大頒獎禮嘅獎座，隔籬張枱就堆滿雜物，風扇、書本、電腦，仲有遊戲機手掣，衣服就掛滿門框，充滿「凌亂美」呀！不過佢就意外拍低專心睇佢演出嘅媽媽走光，事後佢都知道：「我知道剛剛拍到媽媽走光了，但是我媽媽不介意所以大家不用擔心～」

之後，佢再上載阿媽評價佢演唱嘅片段，明顯非常小心，又用公仔遮住「唔見得光嘅嘢」，之後佢話媽咪睇到皺晒眉，覺得佢呼吸聲太大，又笑言：「被吸引到不想講話～（心裏應該想着滿滿的缺點）！」