陳凱琳Staycation慶父親節　錢嘉樂孖兩女玩疊羅漢

今日（20日）父親節，唔少星級家庭都選擇去酒店Staycation慶祝，好似藝人鄭嘉穎同老婆陳凱琳（Grace），都帶埋兩個囝囝度假，更特意準備小帳篷，於室內營造Camping感覺，並為細仔準備BB床，非常周到。Grace留言指為囝囝有一個如此無條件地愛佢哋嘅父親而感到幸福，又多謝鄭嘉穎為呢個家庭付出嘅一切。

另外，藝人錢嘉樂同湯盈盈亦與兩個囡囡，一家四口去到Staycation，佢哋除咗到泳池玩下水禮，錢嘉樂更同囡囡喺床上大玩疊羅漢，非常溫馨，湯盈盈留言：「父親節快樂！We love you爸爸（爸爸我們愛你）。」