水着微晒事業線　林凱恩走「點」吸睛！

憑處境劇《愛‧回家之開心速遞》「Bonnie」一角入屋嘅前港姐林凱恩，乖乖女形象深入民心，但其實佢身材「禾桿冚珍珠」，近年亦不時「大解放」，繼於劇集《她。她。她的少女時代》拋胸上陣，以及早前轉行輕熟女路線晒喱士黑bra後，今日（20日）佢再次「派福利」，佢喺社交網晒出泳衣照，見着上比堅尼嘅佢單邊披住毛巾，隱若露出事業線，加上大玩「走點」誘惑，大家唔好諗咁多，只係講起心口粒痣啫，成功吸引大家目光！佢留言笑指：「練完水，感覺自己像個被獲救坐在岸邊的小孩。」網友指佢素顏落水一樣咁靚，大讚得天獨厚。