細仔大咗個碼！岑麗香老公幫大仔沖涼冧到暈

藝人岑麗香早前宣布誕下細仔「小腰果」，今日（20日）於社交網晒出細仔近照，見只係相隔短短1個月時間，「小腰果」已經長大不少，不但大足成個碼，而且面珠脹卜卜，非常可愛，加上佢表情淡定，有種處之泰然、悠然自得嘅感覺，看似比起哥哥Jacob更加「老積」，相當搞笑。

此外，香香亦趁今日父親節，分享老公強強與大仔嘅相處時光，當中更有老公幫Jacob沖涼嘅「出浴照」，香香又留言大讚老公「You're the best.（你是最好的）」。