王浩信爆W男星大支嘢掛住溝女 視帝都唔睬!

20210620
東網電視
更多新聞短片
新劇《刑偵日記》的一眾演員包括王浩信、袁偉豪、黎諾懿、黃智雯、菊梓喬及戴祖儀齊亮相《開心大綜藝》為新劇宣傳,主持人江美儀及林盛斌即場跟他們玩「Mean Talk」,問到王浩信拍該劇時遇過最大細超的待遇?他自言:「有一個同事好鍾意同女仔玩,我同佢講嘢問佢戲,佢就話好好好,跟住就轉過去。」江美儀問該人是否在現場及叫他開名,他表現為難地說:「唔係在座,好難開名。」再追問名字是兩字或是三個字,他迴避說:「2、3個字啦!」最後才肯畀貼士說英文字母的開頭是W。
而袁偉豪被問到劇中哪位演員最不想再合作,黎諾懿搶答:「我估到,係黃智雯。」袁偉豪隨即解釋:「你估到係邊個,但你唔知點解。佢唔乞人憎,佢戲好對人好,但我早兩年同佢攞咗雙料視帝視后之後,呢兩年好差無嘢做。」眾人即指他結了婚不算差,他笑言:「個個以為我結咗婚唔使做。」
至於黃智雯被問在座哪位演員片酬最高?她稱惠英紅應該最高,如果在座的話,片酬應該跟身高成正比,有人指着王浩信,也有人說還有一位是黎諾懿,黎諾懿即說:「依家係講片酬高唔係身家厚喎!」被其他人指好囂張。輪到黎諾懿被問哪位演員最喜歡現場改劇本,他Hea答:「戴祖儀啦!」