周星馳吳孟達「合演」《英雄本色》 你又睇過未?

2021年06月21日 00:03
東網電視
更多新聞短片
周星馳和吳孟達至今依然是最經典的影壇孖寶,合作的《逃學威龍》及《少林足球》等電影,單是香港票房,已有超過5億元的驕人紀錄。雖然吳孟達於今年2月病逝,未能再繼續跟周星馳合作,但有內地影迷把35年前周潤發、狄龍和張國榮合演的電影《英雄本色》「改拍」,利用AI換臉技術,把周星馳變成「Mark哥」周潤發,而吳孟達則是「豪哥」狄龍!
雖則是以AI技術來惡搞,但出來的效果也算不俗,其中「Mark哥」周潤發的多場經典戲份,包括揸雙槍掃場、「我發誓,唔會再畀人用槍指住我個頭」等,由周星馳重新「演繹」下,不單未有違和感,而且表情豐富!至於吳孟達的「豪哥」一角,一樣「演」得手到拿來,更有他和張國榮的對手戲,可謂絕不馬虎,尤其他還要駕馭狄龍的髮線大後退髮型,爆笑度爆燈!這個惡搞版當然令網民看得開心,同時更懷念「三叔」吳孟達。
其實《英雄本色》跟周星馳的確有淵源,原來當年周星馳未紅時,曾在《英》片演出,唯一出場即死!周星馳是飾演負責睇場的古惑仔,當周潤發揸雙槍走入餐廳時,周星馳一上前,即刻被周潤發連開兩槍,陰功!對白都冇句呀!