最唔想同黃智雯合作 袁偉豪揭原因:佢腳頭唔好

20210621
東網電視
更多新聞短片
藝人袁偉豪現身《開心大綜藝》時被「逼供」。談到「最唔想同邊個合作」,他竟表示:「黃智雯囉,同佢拍劇呢兩年冇乜嘢做,佢腳頭唔係幾好,雖然都有人以為我結婚後唔使做!」
事後他受訪指一切只屬玩笑:「梗係搵個唔會嬲嘅人講啦,我喺戲裏面救過佢咁多次喎!」不過他坦承近兩年的確少了工作:「市道真係冇以前咁好。呢兩年我淨係拍過一個、半個廣告,同以前差好遠!」
他明白客戶近期多了其他選擇,不過亦是好事:「畀機會自己增值囉,都想同公司一齊努力,將公司品牌做得更加好。」至於被指「婚後唔使做」,他直言其實一直努力中。
他又坦承少了工作加上疫情影響,令他減少外出:「我都有時唔係好想見人。(人群恐懼症?)有啲啦,做得呢行情緒起伏都好常見,好彩我太太(張寶兒)好好,同佢傾偈幫咗我好多。(太太話目標想做包租婆。)佢真係每日花時間睇電話,留意吓啲投資,佢有呢方面嘅天分,反而我興趣不大,大家互補不足囉。」