雙重打擊｜林夏薇愛犬患惡性腫瘤　另一愛犬離世

藝人林夏薇家中養了3隻狗狗，視牠們為金叵籮的她，每日風雨不改帶狗狗散步，薇薇早前受訪時，更指家中愛犬感情要好，當中年紀最大的金豬，不時化身大家姐照顧「細佬妹」，不過近日薇薇於社交網上載與金豬合照，並留言：「金豬，請你要加油！」照片中的金豬亦無厘神氣，好友敖嘉年留言慰問，薇薇回覆指愛犬患上乳腺惡性腫瘤。

沒料昨日（19日）又傳來噩耗，薇薇廈門家的愛犬虎仔離世，為薇薇帶來雙重打擊，她於社交網上載愛犬黑白照，表示感謝牠13年來的陪伴，特別於她在不家時，代替她照顧父母，感謝愛犬多年來帶給全家人幸福快樂的回憶，並約定來生再做她家人。

薇薇接受東網訪問時難掩傷心之情，她說：「真係好唔開心，我定期都會觀察金豬嘅身體變化，之前幫佢按摩，發現到佢有硬塊，醫生檢查後話佢有惡性腫瘤，依家我再搵專科醫生，諗住照多次CT，睇吓有冇擴散，之後就安排佢做手術。點知廈門隻狗狗尋晚又過身，因為佢年紀大多病痛，一而再有呢啲事情發生，真係太大打擊，依家希望金豬會冇事啦！」