方紹聰赤腳行籌款 蕊蕊着鞋陪行兩條街

20210621
東網電視
更多新聞短片
藝人方紹聰(奶仔)發起赤腳行香港一圈的籌款活動,今日(21日)開始由少沙咀起步,預計以用6日5夜以赤腳走遍香港17區共180公里,善款會捐給貧窮地區沒有鞋穿的兒童,亦會捐給慈善機構幫助智障人士。
他中午到達九龍灣時表示早上9時起步,到現時行了9.13公里,他説:「今朝尖沙咀出發,經過黃埔、土瓜灣、九龍城碼頭。(依家感受如何?)將之前訓練啲嘢做番出嚟,最開心我哋有網上live,有朋友睇到live即刻捐錢,另外有位年青人睇到之後想嚟尖沙咀join我,但可能我哋行得比較快,佢去到黃埔先追到我,一直陪我行到九龍城,真係好感動。」問到現在身體情況?他說:「有啲攰同痛,但當一諗起善款數字就即刻忘記晒。(依家大約籌到幾多?)連埋禮品已過百萬,諗起有咁多人支持,就係我最大嘅動力,就算呢6日有幾辛苦都冇問題。(有冇擔心天氣太熱會支持唔到?)有少少擔心嘅,不過教練全程喺身邊,所以大家可以放心,另外都有貼保護貼喺腳底,比較舒筋少少。」他指其他朋友如郭子豪、何廣沛等稍後日子會陪他行,但因未受過訓練,所以唔建議他們赤腳。
有份到場打氣支持的藝人蕊蕊,稱本身打算早上陪奶仔一同出發,但礙於天氣太熱所以改下午才陪他,她說:「陣間會着鞋陪佢行兩條街。(咁少嘅?)因為晏啲有工作,嚟緊有需要嘅我都可以再陪佢行。(要你赤腳得唔得?)我覺得可以嘅,未試過,小心啲望住條路囉,污糟啲啫。(唔怕辣腳?)行快兩步囉。」問到會否擔心天氣太熱中暑,她表示有做運動習慣,最緊要飲充足水份補充。平日有跳舞、策騎及行山的她指疫情令活動減少,她説:「停咗幾個月,依家要做番運動啦,疫情下肥咗好多。(最高峰重咗幾多?)疫情初起碼肥咗10磅,依家好番少少,但希望再減多6、7磅。(夏天要着泳衣?多唔多泳衣騷搵你?)未有呀,不過我自己籌備緊美人魚比賽活動,到時會做導師,希望可着泳衣同啲美人魚一齊落水,依家都未係好敢着泳衣住,哈哈。」