黃嘉雯讓「兩球」　陳楨怡晒線贏晒！

無綫精英盡出瞓身大搞《明星運動會》，其中前港姐冠軍黃嘉雯率先預告參戰羽毛球賽，更在社交網晒出手持球拍、着上超熱褲騷纖腰嘅「戰鬥格」靚相，實行向各路對手「下戰書」，而呢日同樣參加羽毛球賽事嘅港姐亞軍陳楨怡就「接招」，晒出運動裝束靚相，見佢不但着短裙晒出招牌長腿，更以Bra top上陣騷出成吋長事業線，比起黃嘉雯更加有睇頭，未「開波」已先贏一局！