拍劇新歌宣傳忙到遲到 陳展鵬預計今年出3首歌

2021年06月21日 22:04
東網電視
更多新聞短片
藝人陳展鵬今晚(21號)出席劇集《逆天奇案》慶功時姍姍來遲,他解釋忙於拍劇及為新歌作宣傳:「剛剛出咗一首歌,希望今年內推出3首歌。」提到父親節,他透露當日難得放假,與爸爸及外父齊慶祝:「由我負責安排,冇法啦,個女太細未識同我慶祝。(囡囡送咩畀你?)佢幫我按摩,已經係最好嘅禮物,又會玩玩具煮飯仔畀我食,仲識服侍我起身畀拖鞋我着。」講到劇集在香港及內地均有好口碑、問到會否帶挈多了內地工作?他坦言:「仲未開番關,所以都係以網上宣傳為主,希望疫情快啲過去。」