王浩信爆W男星掛住溝女　韋家雄黃嘉樂成嫌疑人

TVB重頭劇《刑偵日記》即將播出，呢套劇集結眾多好戲之人，如影后惠英紅、視帝王浩信等，網友都大嗌期待！王浩信尋日（20日）上咗《開心大綜藝》宣傳新劇，期間接受《Mean Talk》主持林盛斌同江美儀訪問，問到佢拍呢套劇時有冇遇到大細超待遇？估唔到佢爆出：「有一個同事好鍾意同女仔玩，我同佢講嘢問佢戲，佢就話好好好，跟住就轉過去。」仲話對方唔喺現場，只係話嗰個人嘅名，英文字母開頭係W！

視帝金口一開，慘遭無視！一班網友即時花生友上身，打開《刑偵日記》演員表嚟睇，發現嫌疑人有韋家雄同黃嘉樂，因佢哋嘅姓氏都係W，依家佢哋兩個已經有另一半，韋家雄2018年結婚，而黃嘉樂就有個感情穩定嘅女友，如果W男星真係佢哋其中一個，唔知會點解釋呢？