蔡嘉欣水着晒腿露背冇正面　揸機嗰位唔畀？

夏日熱辣辣，唔少藝人都落水消暑，蔡嘉欣亦唔例外，日前佢喺限時動態先Post咗張一件頭嘅泳衣相，但齋做「影后」，淨係騷白滑肉背，認真「孤寒」！然後再睇下一張相，仍然都唔係正面，只不過今次就多咗對煞食長腿！而原來背後操刀嘅係媽咪，唔怪得只係有後面、冇正面，可能怕個女被睇蝕！之後佢哋兩個齊齊落水玩「下水禮」，嘉欣仲篤爆媽咪拎住塊浮板都驚到尖叫！齋睇嘉欣媽咪嘅美背，同嘉欣十足兩姊妹，身材弗爆，認真有其母必有其女！