陳喬恩「錯手」甫相嗌老公　快手刪Post疑自洩秘婚

台灣女星陳喬恩同年輕9年嘅馬來西亞富二代曾偉昌（Alan），因參加內地真人騷節目《女兒們戀愛2》而打得火熱，二人屢傳婚訊，早前陳喬恩就「失手」試過無名指驚現鑽戒，即被指疑似係婚戒，點知今日（22日）凌晨佢同Alan忽然深夜作畫，佢就化身貼心女友陪足全程，仲喺社交網晒出限時動態放閃，恩愛舉動令人羨慕，不過有細心網友就發現，陳喬恩喺其中一個限時動態入面，竟然對Alan嘅稱呼由以前嘅「曾先生」直接升呢嗌「老公」，即刻令二人秘婚一事再被大眾關注！

而陳喬恩似乎亦察覺到自己「講多咗」，快手將該限時動態Delete，不過網友已留底。之後她又把該限時動態「翻生」，繼續保留，這番「此地無銀」的舉動，加上早前撮合二人嘅《女2》內地導演吳夢知亦當眾大爆陳喬恩婚訊，引起網友熱議，令佢哋嘅「夫妻」關係更加似層層。對於陳喬恩稱呼Alan為「老公」，問到是否已婚，陳喬恩經理人回應：「沒有，私事不回應，未來有公開的事情才會公布，謝謝你們的關心」。