堅持唔剪頭髮！鍾嘉欣細仔紮髻變身「潮爆小鮮肉」

靚媽鍾嘉欣自拍完《星空下的仁醫》後便返回加拿大做好媽媽，由於時差關係，加拿大比香港遲一日過父親節，慶祝過後，嘉欣將脊醫老公Jeremy同一對仔女嘅相放上社交網，一對仔女準備咗父親節卡送畀爸爸，大女愈大愈似嘉欣，而細仔同爸爸一樣留有一把不羈長髮，由於頭髮已經太長，鍾嘉欣就為仔仔喺頭頂紮咗個髮髻，即刻變咗「潮爆小鮮肉」，鍾嘉欣更以英文留言大讚老公係好爸爸、好拍檔，努力工作之餘又愛家庭，文字上都睇到佢有幾幸福，睇嚟鍾嘉欣冇嫁錯郎！